Bangladeshni Tripura Kokrabai Laibuma

 

Mukul Kanti Tripura

 

Chengjaknai Kok

Kokrabai suimani bisingtwi chung chini bosongni sirisitini, tongmung-chamungni eba sak sakni wansokmano akhai bakhani kokno sai mano. Oboni bagwi chini kokrabaise chungno mathangwi tonnai suijak bisingtwi. Chini sajakjak bai suijakjak kokrabai daio tongo kabangma Koklob (Poem), Kokma (Grammar), Thungnuk (Drama), Kothoma (Story), Kokbakhal (Article) hai aro kabangma Kokrabai. ChiniBangla ha daio Tripura kokbai Kokrabai sajakjakmani bai suijakmani jorarok kabang kacham ongkha. Oboni bagwi tunuiniin’ jorago Bangla hani Tripura kokbai Kokrabaini Laibuma lagwi kok khuksa khuknui sanani chaitokno.

 

Bangladeshni Tripura kokbai suijakjak kokrabairokno lagwi ani bagjak jorarok-

Bangladesh achaimani sakangni jora(1936-1971)

Bangladesh achaimani Uloni Jora (1972-1999)

Katal Jora (2000-2020)

 

Tripura Kokbai  Kokrabai Suinani Chengsamung

Jabui jabuini jora chini Laibuma Tripura kokbai suijakjak hinwi  sajakgo akhai suijagwibo tongo. Jubaraj RadhaKishore Manikkya ni Tipperah-Bengali Dictionary chengmani bisingtwibo chini kokbai kokrabai suijagwi tongo hinwi sajakgo. Shricha Doulot Ahammed M M Dahar bai Shricha Mahammed Ummarni KOKBOROMA bijap sapaijakmani bisingtwi chini kokbai kokrabai suijakmanibo nungjakgo. Radhamohan Thakurni KOK-BOROK-MA bijap suimani akhai sapaimani bisingtwi chung sai mano basuk kacham jora chini kokrabai suijakmani.

Mator Bangladeshni Tripura kokbai poila kokrabai suinani chengnaisa ongkha boromganag matai hago thangjak Khusi Krisna Tripura . Chung bono Bolongrai Shadhu hinwibo sinio.  Bini suijak 1936 engreji bisi jorago karijaknai ‘TRIPURA KHA KACHANGMA KHUMBAR BOI’ tabokbo Bangladeshni Tripura rokni kokrabaini laibumani poila chengsamung. In’ bijapse chungno lama phunuksio chini kokbai kokrabai suinani.

 

Bangladeshni Tripura Kokbai Korabai

Bangladeshni Tripura Kokrabai bedek deknui nungjagwi tongo. Deksa ongkha Sajakjak Kokrabai (oral literature) akhai aro kurungsa ongkha Suijakjak Kokrabai  (written literature).

 

Kokborokbai Sajakjak Kokrabai

Je Tripura Kokrabai jabui jabuini jora chini bosongni borokrokni daio khuktwi khuktwi sajagwi phai, obono hino Sajakjak Kokrabai(oral literature).

Bangladeshni Tripura kokbai in’ Sajakjak Kokrabai bakhuluini jora chengjakha obono kaisabo sai manyakho. Tripura kokbai sajakjak kokrabai(Tripura Oral literature) daio sajakmani khanago kabangma Karakok eba kokduma eba Kothoma, Kabangma Rachapmung, Kokphome, Kok Thechara, Sajakma Kok, Jabuini borokni langmani kok, Kok Sikala akhai aro emotwi jaiti kabangma kokkacham.

 

Kokborok Karakok/Kokduma/Kothoma

Karakok/Kokduma/Kothoma Tripura kokbai sajakjak kokrabaini kurungsa nangmani bakhakse. Bisi piri pirini jora borokni khuktwi khuktwi sajagwi phaio in’ kokrok. Tolagw ang kiamasa bumung suiwi phunukkha-

Nagui/Naui

Maiung Kuphulsa

Jongpha Bura

Khumpui

Tokhasa

Chibuk Naraja

Emotwi hai aro kabangma karakok tabokbo darogwi tongkho chini borokni khuktwi.

 

Tripura Kokbai Kothomaiyung

Tripura kokbai Kothomaiyung chini Sajakjak Kokrabaini kurungsa rak nangmani kok. Tamani hinkhai Chini borokrok jabui jabuini jora piri piri kacham kothomarokno rachapbwi khanarogwi darokrogwi tono. Obotwi hai kiamasa Kothomaiyungni bumung ongkha-

KuchukHa Sikam Kamani

Langui Rajano Bumani

PundaTannai

Gonga Tolio Thamani

Haya Bideshi Thamani

Khum Kamani

Emotwi khaiwi aro kabangma kothomaiyung tongo chini kokrabai daio.

 

Tripura Kokbai Sajakma Kok Eba Kokgatha

Tripura kokbai jabui jabuini jora sajakgwi phainai sajakma kokrok chini langmago tabokbo nagwi tongo. Kokobwi kokno lagwi in’ sajakma kokrok chini kokrabaino kabangma hamrojak. Ang kiamasa sajakma kokrok kia sagwi khanarono-

Amano paiya pumano pai, Punda bokorong kabai.

Koklai bukhukgo chakya, yapailai sakango thangya.

Sinjorsalai thuidong, Amingsalai thungdong.

Chanai takthusa, Bujaknai rojong.

Tal koroikhai nokha naithokya.

Kapnai basa abuk machago, Kapyanai basa abuk machaya.

Bamon bai lam hemtwi

Kok satani sui walai

Kobor nungkhai hadul kokgo, Landa nungkhai thaipong ruchurrogo.

Rajani prengchekereng bophang tantwi.

Emotwi hai aro kabangma tongo chini sajakma kok.

 

Tripura Kokbai Kokphome

Tripura Kokbai Kokphome chini sajakjak kokrabaini kurungsa rak nangmani kok. Tamani hinkhaiin’ kokphome rok chini tongnai-chanai jorago kaisani kaisa thar rogwi kok salainani bagwi nango. Ang kiamasa sagwi khanaronani chongjakha. Oborok ongkha-

Rajani bukhui waisani bara achaiya- Thalui bophang

Rajani lathano rommanya- Chibuk

Chagwibo khurisa, Chayagwibo khurisa- Sakumu

Cherok chalaknuilama selaio- Yathui kongnui

Charaisa kaisa waisa machakhai aro chaya- Kobong

Boma twi kugo basa hor tongo- Chokma

Toksa boya bekarang ganang, Twisa boya yakharai ganang, Brammon boya boittya ganang- Chorkha

Emotwi hai aro kabangma Kokphome tongo chini kokbai.

 

Tripura Kokbai Suijakjak Kokrabai

Je kokrabai Tripura kokbai suijakgwi tong obono hino Tripura Kokbai  Suijajjak Kokrabai. Bangladesh daio obotwi hai kabangma kokrabai suijagwi tongo. Bangladeshni Tripura Kokbai kokrabai suikurungrokni suijakma bisingtwi poila suijaknai nungjago 1936 Engreji Bisio Khushi KrisnaTripura ni ‘Tripura Kha kachangma Khumbar Boi’ suijaknai bisingtwi.

Bangladeshni Kokborokbai Suijakjak Kokrabairokno lagwi ani Bagjak jorarok-

Bangladesh achaimani sakangni jora(1936-1971)

Bangladesh achaimani Uloni Jora (1972-1999)

Katal Jora (2000-2020)

 

Bangladesh Achaimani Sakangni Jora (1936-1971)

Bangladesh Achaimani sakangni jora British, Pakistani rokni joragobo Bangladeshni suikurungrok Tripura Kokbai kokrabai suijak. Oboni bagwi ang Tripura Kokbai Kokrabai Suijak rokno lagwi bagmani poila jorago chongkha Bangladesh Achaimani Sakangni Jora(1936-1971)  mungtwi. Bangladesh Achaimani sakang jorago tama tama kokrabai suijakkha obono tuiwi kia koklam sano.

 

Tripura Kha Kachangma Khumbar Boi

 

Kokborok rachapmung bijap

Suinai: Sadhu Khusi Krisna Tripura,

Poila Karinai jora: 1936 Engreji

KarinaiThai: B. L. Press, Agartala, Tripura

Katal khaiwi Sapokjaknai Jora: Engreji1 November 1978

Karinai: Tripura Upojati Sikkha o Sangskritik Sangsad, Parbattya Chattagram.

 

2. Ajana Pahari Sur

 

Rachapmungni Bijap

Kok Mithingnai: Boren Tripura

Poila Karijaknai Jora: 1966

Ulo Karijaknai Jora: 1998

Karinai: Nanda Tripura(Nang), Mini Manjil, Purba Milanpur, Khagrachhari.

 

Bangladesh Achaimani Uloni Jora (1972-1999)

Bangladesh 1971 bisio Pakistanni tolago tongnani yokmankha. Bangladesh achaimani sakang jorago kokborokbai sapaijak bijap jongnui manphung achaimani ulo kokborokbai kabangma kokrabai suijakjak. Oboni  bagwi 1971-1999 bisijorano ang `Bangladeshni Achaimani Uloni Jora’ mung rogwi kokrabaini koklam salainani chongkjakha.

 

Bojon

Tripura kokbai Rachapmung bachap

Kok Mithingnai: Suresh Tripura

Karinai Jora: 1977 AD.

Karinai: A K M Maksud Ahmed, Rangamati Prakashani, Reserve Bazar, Rangamati.

I’ Bijap daio Kokmil Suijak-  Ms. Prahelika Tripura,

Rachapmung Suijak- Suren Tripura, Hiranmoy Roaza, Bishwakirti Tripura, Mahendra Lal Tripura, Brajanath Roaza,Prashanta Kumar Tripura, Surendranath Roaza, Manjulal Tripura

 

PRAN  KACHANGMA  TRIPURA  GAN

Shri  Khusi Krisna Tripura Bolongrai Sadhuni kokborokbai suijak aro jongsa bijapni mung ongkha ‘PRAN KACHANGMA TRIPURA GAN’.  24(Nwichibrui ) rachamung suijak in’ bijap 1978 engrejio sapokjago hinwi sajago. Bo in’ bijapdaio rachamung rokno naithok khaiwi bagwi suijak. Guru Bondona, Debi Bondona, Shyama Aroti, Sondhya Aroti, Atma Totto, Bawl Sur, Monoshikka, Koligan, Brahmaputra Gonga Snan, Bhaber Gan, Baro Arthai Tripura Sangit mung rogwi bagjak. In’ bijapni 8(char) rachamung diao suijak tongo-

 

“Gonga goya kashi  proyag jotosago naidi

Mapothima apasorgo gurumatai  kopalo tungdi”.

 

SHRIMADBHAGABAT GITA

Bangla hago ‘SHRIMADBHAGABAT GITA’ mungtwi Kokborokbai poila gita suijakha Dighinalani Kamakutchharani Shri Chittaranjan Tripura Sadhubai. In’ bijapni komthingnaisa ongkha Mng. Surendra Lal Tripura. In’ bijap Tripura Upojati Shikkha o Sangskritik Sangsad daini 1388 Tring 4 Vadra, 1385 Bangla (1978 Engreji) Bisio tikhalaijago. In’ bijapni poila balai daio Guruno Khulummani kok suijakjak naithok khaiwi. In’ bijabdaio gitani 18 jog lagwi rachamung hai khaiwi kokborokbai suijak. 43 balaio Gita Mahattya lagwi suijak –

 

“Joy joy  Gita     Nungse muktidata

Deho bhogobanni

Bakha gyanno ronai       Ogyanno ruknai

Mukti lama jotoni.”

 

CHOUTRISH   PODABOLI (KOKBOROK)

Banglahani kokborokbai aro jongsa kabang sajakjak bijapni mung ongkha ‘CHOUTRISH PODABOLI (KOKBOROK)’. Shri Bolongrai Sadhuni in’ bijap twilaiphang moujani tikhalaijakha 1979 engrejini 18 February, 1385 banglani 5 Phalgun salo. Bo bangla kathathai daini 34 (Thamchibrui) suithai lagwi rachamung suijak. Bo jotoni paithakgo ‘Tripura Rachamoung’ hinwi rachamung tangsa suijak.

Shri Bolongrai Sadhu, CHOUTRISH PODABOLI (KOKBOROK), (Tikhalaijakha: 1979 engrejini 18 February, 1385 banglani 5 Phalgun, twilaiphang mouja, Ramghar Mahakuma, Parbattya Chattagram) )

 

Punda Tannai ba Jin’juk Punda

Rachapmung rachapnai: Shashi Kumar Tripura

Chapnai: Mahendra Lal Tripura

Khorang ronai: Surendra Lal Tripura

Kok Mithingnai: Shri Boren Tripura

Balai: 268

Rang: 15/- (Chiba)

Bakhak: 7(Sini)

Karijaknai Jora: 1979

Karinai : Tripura Upajati Shikkha O Sangskritik Sangsad

 

Khum Sangdari

Kokborok Rachapmung Bachap

Kokmithingnai: Probhangshu Tripura

Karijaknai Jora- 1390 TB (1980)

Karjaknai Thai- Chattagram

Pub-E-Rabaini Sal

•       Kokrabai Balai

•       Kokmithingnai: Shri Boren Tripura

    Kokmithingnani chubanairok: Shri Nabeen    

    Kumar Tripura, Shri Brajendranath Tripura,

    Shri Atiram Dhamai, Shri Batiram Tripura

•       Karinai: Tripura Upajati Shikkha O Sangskritik Sangsad, Parbattya Chattagram

•       Karinai Jora: July, 1981

•       Rang: 20/-

•       In’ bijapdaio suijak-

Mg. Naba Bikram Kishore Tripura, Salil Krisna Devbarma, Krisna Tripura, M. Dendoha Jalai, Surajit Narayon Tripura, Boren Tripura, Shobha Tripura,  Proshanta Kumar Tripura, Akindra Lal Tripura, Karabi Debbarma, Probhangshu Tripura, Dinomoy Roaza, Sotyarang Tripura, Susmita Roaza, Kubaleshwar Tripura, Kaberi Tripura, Upendra Nath Tripura,

Kok Surungdi

Kokborok Sungnai Bijap

Suikha: Kubindra Tripura bai Mohendra Lai Tripura

Balai: 20

Rang: 5

Karijaknai Jora: 1981

Karinai: Sakni Kok Prochar Sangsad, Garjantali, Rangamati, Parbattya Chattagram

 

Sangdari Khumbar

Kokborokbai koklop bijap.

Suinai: Probhangshu Tripura

Balai: 32

Karinai jora: 1982 AD. 1392 TB

 

RAMAYAN  KIRTAN

Shri Khusi Krisna Tripura Bolongrai Sadhuni kokborokbai suijak aro jongsa naithok bijap ongkha ‘RAMAYAN KIRTAN’. Bini In’ bijap 1395 Tring binini 1 phalgun, 1392 Bangla sapokjago. In’ bijapni mul suinaisa Shri Shri Sadhu Baba Bolongrai Tripura hinwi suijakphung suinaisa hinwi aro bumung suijak tongo Shri Chitta Ranjan Tripura. In’ Bijapni kok Mithingnaisa ongkha Shri Pravangshu Tripura. In’ bijap Chattagram ni Sawdeshi Chhapaghar dio sapokjago.

Shri Shri Sadhu Baba Bolongrai Tripura, RAMAYAN KIRTAN (Tikhalaimani jora: 1395 Tring bisini 1 phalgun, 1392 Bangla)  [1985]

 

Aitarama

Kokmithingnai: Probhangshu Tripura

Samung phurungnai: Surendra Lal Tripura

Samung Tangni chubanai: Arunendu Tripura

Karinai Jora: 1985 AD.

Karinai: Bangladesh Tripura Upojati Kollyan Sangsad

 

Tripura Bhasha ba Kokborok Bhashar Abhidhan o Byakoron

Kokborok-Bangla Dictionari

Suinai: Surendra Lal Tripura

Karinai jora: Ashin, 1396 Bangla (1989)

Karinai: Upajatio Sangskritik Institute, Rangamati.

 

Kokborok O Adi Shikkha

Suinai: Probhangshu Tripura

Balai: 32

Rang: 30/-

Karinai Jora: April, 1991 AD, 1401 TB

Karinai: Shankhalata Tripura

 

Kok Borok Kok Thairwng

1^st & 2^nd Class ni bagwi

Suinai: Probhangshu Tripura

Balai: 14

Rang: 30/-

Poila karijaknai jora: Taltung, 1401 TB(1991)

2^nd karijaknai jra: Taltuk 1401 TB

3^rd karijaknai jora: Talbang 1417 TB

Karinai: Shankhalata Tripura, Khagrapur, Khagrachhari.

 

Katal Jora (2000-2020)

Bangladeshni Kokborok Kokrabai suinai jora bagmani 2000-2020 jorano Katal Jora hinwi mung chongjakha. Tamani hinkhai Bangladeshni kokborok kokrabai suinani bagwi eba Surungnani jugalni bagwi kokborok tuiwi bangla hani jotto kokborok salainairok thansa onglaijak oh jorago. Oboni paikhai Bangladeshni kokborok kokrabai daio katal katal bijap karijalaijakha. Kabangma hamkha chini kokrabaibo. 

 

Kokborokni Kokthaih Khutruk

Kokborok Word Book

Suinai: Mathura Bikash Tripura
Kokborok-English-Bagla
Balai: 16
Karinai: April, 2002
Rang: 20/-

 

GAN’/GONGA  TOLIO  THAMANI: 

•       Jongsa Kothomaiyung

•       Kokmithingnai: Prashanta Kumar Tripura

•       Kokmithingnani chubanairok: Mathura Tripura, Haripadma Tripura

•       Rachapnai: Chan Mohan Tripura orophe Beregi, Karigar Para, Latiban Mouza.

•       Koksalamnai: Khogeshwar Tripura

•       Rang: 100/-

•       Karinai: Bangladesh Tripura Kallyan Sangsad, Central Committee, Khagrachhari. 

•       Karinai Jora: 2005 AD, 1415 TB

 

Haparni Khorang

Rachapmungni Bijap

Suinai: Mahendra Lal Tripura

Karinai: Mrs. Kamona Tripura

Karijaknai Sal: 25 Sept. 2006

Page: 20

Rang: 25

 

AMANI KOK (Kokborok Primer Part 1, 2, 3)

Kokborokbai Suijak class 1 ni bagwi bijap

Suinai: Mathura Bikash Tripura

Karijaknai Jora: Jun, 2007 AD.

Karinai: Samannita Samaj Unnayon Prakalpa, Karitas, Bangladesh

Jongtham Bijapbo 40 balai khaiwi karijakkha.

 

Roman Suithaihbai Kokborok Sunai Raida

Suinai: Mathura Bikash Tripura

Balai: 16+4
Karijaknai Jora: August, 2007
Rang: 20/-

 

MAHENNI  KOK  BATHAI:

Kokborok kokrwbaini machang jongsa Koklob bijapni bumung ongkha MOHENNI KOK BATHAI. Mng. Mahendra Lal Tripurani In’ koklop bijap daio 16 (Chidok) koklob bai 14 (Chibrui) rhymes suijak.  In’ bijap tikhalaimani jora Engreji 5 October, 2008, Bangla 20 Ashin 1415 Bisio. In’ bijap Rangamatini Garjantali daini bahajo- bahajala (Bipul, Apul, Kamona, Jhinuk) rok tikhalaimani. Bini bijap  daini 6 (dok) balaio suijak-

 

“Twisa koreo sikala kaisa

Holong bathaio achogwi.

Twisa twi boiwi thanai dario

 

Shrimadvagabadgeeta

Tripurakokbai

•       Suinai: Shimat Birapakkhananda Brahmmachari Maharaj

•       Balai: 84

•       Rang: 105/-

•       Karinai Jora: 19^th Chaitra, 1417 Bangla, 2010 AD.

•       Karijaknai Thai: Geetavaban, Aparna Chowdhuri Para, Khagrachhari District

Rachamung Tripura Kokbai

•       Suinai: Shimat Birapakkhananda Brahmmachari Maharaj

•       Balai: 18

•       Rang: 25/-

•       Karinai Jora: 19^th Chaitra, 1417 Bangla, 2010 AD.

•       Karijaknai Thai: Geetavaban, Aparna Chowdhuri Para, Khagrachhari District

Ungbale E Hu Hu Hu

Kokborok Koklop Bijap
Karinai Jora: 2010
Balai- 58
Rang: 120
Tikhalainai: Kok Creativities, Khagrapur, Khagrachhari.

KOKBOROK

Kokborok-English-Bangla Dictionary

Suinai: Mathura Bikash Tripura

Karinai: Khudra Nri-gosthir Sangskritik Institute, Khagrachhari

Karinai Jora: 2011

Rang: 100/-

Balai- 65

HAPONGNI   KOKLOP 

‘HAPONGNI KOKLOP’, aro jongsa kokborokbai suijak koklop bijap. In’ Koklob bijap suikha Mng. Alindra Tripura. In’ koklob bijap tikhalaijakkha Tring 08 talbung, 1422, Engreji 29 November, 2012 AD. Bisio. . Bo in’ bijapnni joto koklopno kokwanjui baibo phakjak.  Bo suijak kokloprokni mung ongkha: Mataini Jareyoi, Mani Kok Sal, Mukumuni Bagwi, Thwiywi Thwiya, Wansukma Pandao, Siniya Lamao, Srwngwi Paiyoi, Lanjaima Pandao, Rangamatiyo, Kokrwbam Bijap Suiphuo, Thangphuni Jow, Mukumu Tongnaitwi, Poila Suinaisa, Salbani Bagwi, Bolongpanao.

Alindra Tripura, HAPONGNI  KOKLOP (Tikhalaimani Jora: 08 talbung, 1422 Tring, 29 November, 2012 AD., Khagrachhari).

Pran Sumchama

Jongsa rachapmung bijap

Suinai: Shrimot Bahuchandra Sadhu

Tikhalaikha: Bolongrai Foundation, Chengi Bridge, Khagrachhari, Bangladesh

Akholkha: Talkran 1423 TB, Jun 2013, Jyostha 1420 Bangla.

Chini Haa Machang

Cherok girani koktang bijap

Suinai: Borendra Lal Tripura

Rang: 150/-

Karinai: Majharul Islam, Annyo Prokash, 38/2, Banglabazar, Dhaka-1100

Ekusher Boimela, February, 2014

Jorani Khorang

Koklop bijap

Suinai: Mathura Bikash Tripura, Tikhalaimani Jora: Engreji October, 2014 bisi,

Tikhalainai: Kok Creativities, Khagrapur, Khagrachhari.

CHINI EMANGNI HA

Cherokrokni Koktangni Bijap

Suinai: Mathura Bikash Tripura

Tikhalaimani Jora: February, 2015

Tikhalaikha: Kok Creativities

Rang: 60/-

ISBN: 978-984-33-8790-5

AMANI KOK-KOK BOROK

•       Cherokni Porethub bai

Nursery/Porethub-1 ni bagwi bijap

•       Suinai: Borendra Lal Tripura

•       Karinai: Khudra Nreegosthir Sangskritik Institute, Khagrachhari.

•       Karinai Jora: Jun, 2015

•       Rang: 100/-

In’ bijap daio tongo- Kokmwng, Koktaang, Thikimwng & Haparni Rwngrim

Kokborokbai Kwlwini Bwmwng

Suinai: Jagadish Roaza

Katinai: Kok Creativities, Khagrapur, Khagrachhari

Karinai Jora: 2015, Talhing 1415 Tring

Balai: 26+4

Chini Kok

Kokborokbai Suithai rokbai

Lekhathai rokni bijap

Suikha- Prarthana Tripura

Karijaknai jora: 2017

Balai: 20+4

Rang: 120/-

Kokborokbai suijak aro kabangma  Bijap

•       2008 - DUDU KARABO(P.10),  NOKHAI RAJA (P.14), LOPHA TORMANI GAMYA (P.12),

•       2009 - THAIPUNG CHANAI(P.10), RI CHUM(10), BWISU(10), ATOINI NUK(10)

•       2010- HINI NOK HUG(P. 12), CHINI NOK(P.10) ANAJI THALWI(P.10), BOLONGNI ATOI(P.10), PUTHI AA, NOK HUG, KICHING KAMARNI KOK, LAIRANG TWI BALMANI, LECHU KUMUN, MAKHARA DORMAI KHOGO, MOKOL PHUNGWI THWNGMANI, KHUMNI BAGAN, KHORGONI BARI, KAISANI BIPODU TAMUNWIDI, JIROK TOKSA, HOR BAI THUNGMANI GAMYA, HANYA CHAYA, GOBING BAI PUTHI AA, WAK BOK SAJAKMANI KOK,  TWI GAM NUNGDI, TOKBAK ROKNI KOK, TAKHUK BUKHUK, SIALSA SUMUR SUBO, SAMUNG NI KOK, RINA BAI RIPO ISKULO THANGDOK, RINAI RISA, MONI MALANI KOK, NOKHA KUSUM CHAKHA

    RINAI RISA, RI CHUM, KHUMNI BAGAN

•       2011- ANI LEKHAMUNG BIJAP

•       2012- ANI GAM NANGJAKMANI, AMANI KOK KOTOR, পরিবেশের অ-আ, ক-খ

•       2013- CHINI APHAK, ANI KOK (SWRWNG SAKANG), AMANI KOK (RWNGREM THAM)

•       2014- AMANI KOKKOTOR, ANG MALMATAKHOR NAIMANI, YAK BAKSA SAMUNG TANGNO, THIKIMWNG SWRWNGMWNG, KICHING KAITHAMNI KOK, YAK BAKSA SAMUNG TANGNO.

•       2016- ANI BIJAP SWRWNG SAKANG, PHAIDI SUINI SWRWNGNO SWRWNG SAKANG, MWSA BAI KERANG, SWICHA BAI TOKLA, BUJU GANANG SIAL, MASANDWI BAI MAYUNG, GONG BAI POYABOTHOP, RISA HACHUK KAMIO THANGMANI, MAMU HATIO THANGO, NONAYA KHORANG, 

•       2017- ANI KOKBOROK BIJAP (RWNGREM SA), THIKIMUNG BIJAP (RWNGREM SA), ANI BIJAP (SWRWNG SAKANG),

•       2018- ANI KOKBOROK BIJAP RWNGREM NWI, HIKIMUNG BIJAP RWNGREM NWI, BUDHINI PHAN, MASA BAI KEBANG, KHORANGNI KOKTANG, SUITHAI, THIKINAI, SUITHAI BAI MANGPILI, YAKUNG KONGBURUI GANANG, KOKTANG BIJAP, MANGPILI BIJAP, MANGPILI BAI KOKTHAI, CHINI KOKTANG, SUITHAI BAI KOKTHAI, KOKTHAI BIJAP, KOKTANG, APHAI BIRITHAM

•       2019- ANI KOKBOROK BIJAP RWNGREM THAM.

Kokrabai Balai Bisingtwi Kokrabai Suinani Chaitokmung

Bangladeshni Kokrabaini Laibuma suina thankhai Kokrabai Balai ni mung kabangma nangwi tongo. Tamani hinkhai, In’ Kokrabai balaitwi chini kokborok sanai borokrok kabangma kokrabai suina chaitogwi tongo. Oboni bagwi ang tabok kiamasa kokrabai balai lagwi kok salaino. Bangladeshni Kokborok Kokrabai balai ni bisingo Surendra Lal Tripurani Girinirjhar, Raghunath ripurani Jongdok Kokrabai balai, Sukumar ripurani Bisikatal, Arunendu Tripurani Yakrai, Prashanta Tripura bai Shaktipada Tripurani Khumtai, Oboni badebo kokmithingjak Mathura Bikash Tripura, Nabaleshwar Dewan, Moloy Tripura Kishore, Binodhan Tripura, Jagadish Tripura, Rajib Tripura, Priasi Tripura, Mukul Kanti Tripura, Khogen Tripura, Diganta Tripura, Shipon Dev, Tarka Kumar Tripua, Nirmal Tripura, Nipon Tripura, Papen Tripura bai aro kabangma kokmithingjalai mani bisintwi kokrabai suilaijak.

•       Santua- 1^st issue, 1991,

     Kokmithingnairok- Prashanta Tripura bai    Shaktipada Tripura

•       Banowk- 1^st Issue, 1993

    Kokmithingnai-Geeta Debbarman

•       Hamkorai- 1^st issue, 1996

•       Bwisuk- 1^st issue, 1998

    Kokmithingnai- Binotamoy Dhamai

•       Ho-machang- 1^st Issue, 1999

    Kokmithingnai- Milon Jyoti Tripura

•       Wakorai- 1^st Issue, 2000

    Kokmithingnai- Milon Jyoti Tripura

•       Hayokmwng- 1^st Issue, 2002

    Kokmithingnai: Manibhusan Tripura

•       Emang- 1st Issue, 2007

    Kokmithingnai- Priasi Tripura

•       Khorang- 1^st Issue, 2010

     Kokmithingnai- Mukul Kanti Tripura

•       Phurungni sal- 1^st Issue, 2008

    Kokmithingnai- Tarka Kumar Tripura

•       Khachongma- 1^st Issue, 2012

    Kokmithingnai- Dipak Tripura

•       YAKHLWI-1^st Issue, 2013

     Kokmithingnai- Tapu Tripura

•       AISRANG, 1^st Issue, 2014

    Kokmithingnai- Dayananda Tripura

•       Achaima Sal- 1^st Issue, 2015

    Kokmithingnai_ Kusum Tripura

•       Lalmai Hathaini Khorang- 1^st Issue, 2018

    Kokmithingnai- Yubraj Debbarma

•       TWISA- !st Issue, July 2020

     Dharinjoy Tripura bai Mukul Kanti Tripura

 

Online Daio Kokrabai Suinani Chaitaimung

•       Ani Kokbai Ani Kokrabai

    (Jabuini bumung Kokborok Kokrabai Buthup)

    Chengnai Jora- 3 march, 2017

•       YARUM-

    Chengnai  Jora: 7 May, 2020

•       Kokborok Kokrabai Sangsad

•       Chengnai Jora-13 May, 2020

Kokborok Kokrabaino  Hamronani bagwi Chung Tama Tama Khaiman?

•       Kokborokbai kabang kabang kokrabai masuilainai

•       Kokborokbai kabang kabang bijap masapoklainai

•       Kasakang cherokrokno suinani thai khaiwi rothai

•       Bijap karini bagwi kaisani kaisa machubajalainai

•       Government bai kokrabai tuiwi samung tangnani machaitokjalainai

•       Kokrabaini compitition majugaljalainai

Paithak Kok

Tunuini kokborok kokrabaino tuiwi International Webinar daio ani presentation ni information arobo chapthai tongkho.  Katal katal suijak rokno chapbwi phaisakang jorago aro gam khaiwi present khaini chaitokno. Kokborok kokrabai tuiwi phaisakang samungrok gam ongthong jottoni. Arrange khainai, Nogarai ongwi phainai akhai live naiwi tongnai jottono ani khapangni kha bisingnio aro waisa khulummung bai hamjakmung yaphalwi tunuini ani koklam ero thakrokha. Hambai.