Ani Koklob Ani Khorang

Kobonjak Chumuini Bekarang

Nokhani Kuarlai nini bagwise.

Solago sumlolo, solago phulolo,

solagokhaibo kabang kusum kholokholo

kaisa gorja kathang langma nung.

Sadung chiring charangni khampurupurugo

solakhaibo watui nobarni phaisakango

nung jeno bekarang  phiogwi lejak

masa birjak gorja tokraja.

In hago kalaijak nini sammpili

jeno kuar nokhani kuchung sal

nungbai chenjak kaisa khakamsusa metereng,

bana kobonjak nini bekarango

chungroro sadung takjago thani.

Nung solago gorja, solagokhai girasa,

solago uttar, solago dokkhin,

solago purbo, solago possim ata,

solagokhai naithok karangpheljak pori.

Solagokhaibo tokling sikarino kosol khawi

birwi thango karang phelwi

nokha paithakni kore kara.

Talpilani Horo

Beteng Kuchung Tunui Talni Munuima

Naithok, Pohorjak Akhaibo Kachang.

Purnimadwi Sia Sungni Nangya Kobor Bakha

Rutukgwi Naia, Sia Boroni Achaikha.

Achokkha Chakerengni Pandarago

Yago Lakha Kacham Chaktorotoro Sumur

Subwi Tisakha Haparni Khhorang Sakni Bakhabai

Kachang Khorang Buljagwi Thangka Terangtwikalaio.

Pohor-Andarni Hapong Batangni Mangpili

Tunui Pohor, Naikhai Salkajaktwi.

Bosontoni Toksa Kungkila Pungdong Tabokboo

Mungsasuk Manyani Bakha Hamyagwi.

Akata Nini Mango Mokol Kalawi

Sondorjia MatorTani Faika Nung

Tani Katal Khawi Khachuno Khalang?

Sajailang Naithok Khawi

Nainani Jar  Naithok Hani Porino Kosol Rajani Bahajok.

Nung Faika Sio,

Mator Thujak Tokraja, Birjak Chumuirok

Wa Bulungni Yongsa Pungnai Khorang

Siaro ni Thuichor Tuichor Pohorni Thungnai

Tani Esuk Korekara, Kabang Koreo Tunui?

Emangni Khumtang

Bolongni Khumtai, Hapingni Khumpui

Hapong Pandara Porongwi Perjak.

Maising Siari Sephali Bakhai

NoG Kitingwi Kodolwi Tongjak.

Mondir Duarni Malibar Bobar

Fulele Khawi Mutumwi Mutumwi

Chuanthui Bobarni Kosol Akhaibo

Solsukya Mator Bakhai Kotorwi.

Khola Koreni Khumchak Bobarlai

Naikhai Naithotok Romkhai Manthotok,

Khum Lolangni Butui Tuijagwi

Bongbaraimabo Bagwi Nungthotok.

Kachak, Kurumu, Golapi, Kuphul

Khumbar Bulungo Nungjagwi Tongo

Sadung Owatuino Basago Lagwi

Naikhon Naikhonwi Munuwi Tongo

Joto Khumbarno Kholwi Tunui Ang

Subwi Tisagwi Tonno Khumtangno,

Noksa Girago Nono Tisagowi

O Khumtangno Kanrogwi Rono.

 

Nono Rutukni Thangwi

Ani Achaima Hano Yakarwi

Naitukkha Parogwi Bini Hano Ang

Nini Sampilidwi Nungjano Hinwi ,

Bana Nungkha Ang Jak Kabangma Borok.

Hapong Gorjano Kasagwi Thangwi

Bachagwikha Jottoni Ha Kuchugo Ang

Nini Makhangdwi Nungkhalaijano Hinwi,

Bana Nungkhalaikha Ang Murui Murui Khawi.

Twima Kacharo Yogwi Thangwi Ang

Kulukgwi Naitukkha Aa Bechhero

Twi Kulukjakdwi Mannjano Hinwi,

Bana Mankha Ang Holong Bulungma.

Nokha Sakago Bungjar Kagwi Ang

Naitugwi Naikha Chumui Bechero

Kobonwidwi Tongjalang Hinwi,

Bana Mankha Ang Chumui Kusum Bodala.

Rutukkha Jotto Ha-nwk, Twima-Twisago,

Bolong-Halong Nobar-Nokhago,

Mator Rutugwi Mankha Nono

Jottoni Ulo Ani Bakha Bisingni Matai Nogo.